16 na kandidata ng Mutya ng Kalibo, magpapatalbugan sa swimsuit competition sa Boracay

Posted November 30, 2015

Ni Inna Carol L. Zambrona, YES FM Boracay

Labin-anim na kandidata ng Mutya ng kalibo Ati-Atihan 2016 ang magpapatalbugan sa swimsuit competition ngayong darating na Desyembre 13 sa Hennan Group of Resorts sa Boracay Wave Bar station 2.

Ayon kay Kalibo Sto. Niño Ati-atihan Foundation, Inc. (KASAFI) Chairman Albert Meñes ang mananalo sa Best in Swimsuit ay kokoranahan sa darating na grand finale sa Coronation night sa January 8, 2016 sa ABL Kalibo.

Maliban dito irarampa din umano ng mga kandidata ang ginawang koleksyon ng mga sikat na designers sa Aklan na sina Mel Quimpo at Peter Rian Casidsid.

Samantala gaganapin naman ngayong Desyembre 20 ang talent competition ng mga kandidata sa Kalibo Pastrana Park

Turistang Taiwanese national patay matapos atakahin sa puso sa Boracay

Posted November 30, 2015

Ni Jay-ar M. Arante, YES FM Boracay

Patay na ng makarating sa isang pagamutan sa isla ng Boracay ang isang 41-anyos na bakasyunistang Taiwanese national matapos atakihin sa puso.

Nakilala ang biktimang si Ching-Hsin Ko ng Taipei Taiwan at nanunuluyan sa isang resort sa Station 2 Balabag Boracay.

Base sa report ng Boracay PNP, bago umano mangyari ang insidente ay nag-inuman pa ang biktima kasama ang mga katrabaho nito sa isang bar sa station 2 kung saan uminon ito ng apat hanggang limang bote ng alak.

Ngunit bandang alas-11:30 ng gabi ng pauwi na ang biktima sa tintuluyang resort ay nakaramdan ito ng pagsusuka hanggang sa umabot na sa kanilang kwarto at tuloy-tuloy parin ang pagsusuka at ditto na umano siya nag-rereklamo ng pananakit ng dibdib.

Dahil dito mabilis na isinugod sa pagamutan ang biktima ngunit ayon sa mga doktor ay patay na ito ng makarating sa pagamutan.

Samantala, napag-alaman na atake sa puso ang ikinamatay ng biktima kung saan nakatakda namang dalhin ang bangkay nito sa kanilang bansa sa Taipei Taiwan.

Construction worker sa Boracay, kulong matapos saksakin ang katrabaho

Posted November 30, 2015

Ni Inna Carol L. Zambrona, YES FM Boracay

Kulong ang isang lalaki matapos saksakin ang kapwa construction worker nito sa Sitio Cagban, Brgy. Manoc-manoc, Boracay, Malay, Aklan kahapon.

Sa report ng Boracay PNP, nag-away umano ang biktimang si Carlito Ubano 38- anyos ng Roxas Isabela at ang suspek na si Jerry Mondera 43-anyos ng Brgy. Cabudlipa, Patnungon Antique dahil sa nasira ng biktima ang lock ng pintuan ng suspek.

Dahil dito, kumuha umano ang suspek ng patalim at sinaksak ang biktima na tinamaan naman sa kanyang dibdib at kanang balikat nito.

Napag-alaman na narekober ng mga pulis ang patalim na may habang 15 inches na ginamit ng suspek sa biktima na ngayon ay nasa pangangalaga na ng Boracay PNP habang ang suspek ay kasalukuyang nakakulong sa BTAC.

Room attendant ng isang hotel sa Boracay, natagpuang patay sa kanyang boardinghouse

Posted November 30, 2015

Ni Inna Carol L. Zambrona, YES FM Boracay

Patay na ng matagpuan ang katawan ng isang 25-anyos na lalaki sa kanyang boardinghouse kahapon sa Sitio Bolabog, Brgy. Balabag, Boracay, Malay, Aklan.

Nakilala ang biktimang si Clifford John Abad residente ng San Jose, Occidental Mindoro at nag-tratrabaho bilang isang room attendant sa isang hotel sa station 1 Boracay.

Sumbong ng roommate nito na si Arnel Idala 21-anyos sa Boracay PNP, pauwi umano siya mula sa kanyang trabaho ng mapansin nitong naka-lock ang kanilang kwarto.

Dahil dito, ilang beses umano siyang kumatok ngunit walang nagbubukas kung kayat ginamitan na lamang umano niya ito ng susi at ng mabuksan ay doon tumambad ang wala ng buhay na biktima.

Napag-alaman din na bago namatay ang biktima ay galing umano ito sa isang night out kasama ang barkda at naka-uwi na bandang alas-3:30 ng madaling araw.

Samantala, base naman sa pagamutan na pinagdalhan sa katawan ng biktima at sa sumuring doktor ay Cardio Pulmonary Arrest secondary to Multi Organ Failure umano ang dahilan ng ikinamatay nito.

Sa ngayon ini-embistigahan naman ng Scene of The Crime Operatives (SOCO) Boracay ang dahilan ng pagkamatay ng biktima matapos humiling ang pamilya nito na isasalim sa otopsiya ang kanyang bangkay.

Cargo vessel na nagkakarga ng mga motorsiklo na walang dokumento muling pinaalalahanan

Posted November 30, 2015

Ni Jay-ar M. Arante, YES FM Boracay

Maliban sa local sanction makakatanggap din ng penalidad sa Maritime Industry Authority (MARINA) ang mga cargo vessel sa isla ng Boracay.

Ito’y sakaling mahuli silang nagkakarga ng mga motor na walang dokumento mula sa LGU Malay gayon din ang iba pang kargamento.

Ayon kay PCG Caticlan Commander Lt. Idison Diaz, tuloy-tuloy umano ang kanyang ginagawang inspection sa mga cargo area sa mainland Malay at isla ng Boracay para maiwasan ang pagpasok ng ano mang uri ng illegal sa isla ng Boracay.

Sinabi nito na mahaharap sa karampatang penalidad ang boat captain sakaling nilabag nito ang mga kautusan gayon din ay maaaring makumpiska ang kanilang cargo boat.

Dagdag pa ni Diaz na ang kanilang ginagawang paghihigpit ngayon sa Boracay ay dahil na rin sa sunod-sunod na karahasang nangyayari sa ibat-ibang bansa lalo na sa mga tourist destination.

Sa kabila nito tiniyak ni Diaz na 24/7 na nag-babantay ang kanilang hanay para sa pagpapaigting sa seguridad sa karagatang sakop ng isla ng Boracay.