YES THE BEST 911 BORACAY

Friday, August 08, 2014

35 kababaihan sa Boracay, nailigtas sa human trafficking

Posted August 8, 2014
Ni Bert Dalida, YES FM Boracay

35 kababaihan sa Boracay ang nailigtas sa human trafficking kagabi.

Sinalakay ng pinagsanib na puwersa ng Boracay Tourist Assistance Center at Aklan Provincial Intelligence Branch Operatives ang tatlong videoke bar na pinagtatrabahuan ng mga nasabing biktima.

Sa magkasabay na operasyon sa Barangay Manoc-manoc, sinabi ni PSInspector Mark Evan Salvo na 18 babae ang nailigtas sa Zwamppy videoke bar at 10 sa Isla Bora, habang 7 naman sa Wave 98 videoke bar sa Barangay Yapak.

Ayon pa kay Salvo, nasa edad 18 hanggang 25 anyos ang mga babae na mula pa sa iba’t-ibang lugar.

Samantala, kaagad namang dinala sa DSWD o Department of Social Welfare and Development ang mga babae, habang inihahanda na rin ang kasong isasampa sa mga akusadong bar operator.

No comments:

Post a Comment