YES THE BEST 911 BORACAY

Monday, March 03, 2014

Boracay Fire Protection, nakiisa sa 48th Fire Prevention Month

Ni Jay-ar M. Arante, YES FM Boracay

Nakiisa ang Boracay Bureau of Fire Protection sa pagdiriwang ng 48th Fire Prevention Month ngayong Marso.

Ito’y alinsunod sa presidential Proclamation 115-A, kung saan idiniklara ang buwan ng Marso bilang fire Prevention Month.

Dahil dito isang motorcade ang isinigawa ng BFP kaninang umaga mula Cagban Jetty Port hanggang sa Baranggay Yapak bilang pagsunod sa temang “Isulong ang kaunlaran, Sunog ay maiwasan, kaalaman at pag-iingat ang kailangan”.

Kabilang naman sa mga lumahok sa nasabing motorcade ay ang Boracay Fire aiders, Islanders, Boracay Foundation Inc. at ilang pang grupo mula sa isla.

Dito, ipinaabot ng mga taga BFP kung ano ang dapat gawin sa tuwing magkakaroon ng sunog at kung paano ito maiiwasan.

Inaasahan namang mag-iikot ang mga taga BFP sa ilang eskwelahan sa isla para mabigyan sila ng sapat na ideya tungkol sa piligrong dulot ng sunog.

Sa ngayon mas lalo pa umanong paiigtingin ng Boracay Bureau of Fire Protection Unit ang kanilang pagbabantay sa siguridad lalong lalo na sa posibleng mangyaring sunog sa Boracay.

No comments:

Post a Comment