YES THE BEST 911 BORACAY

Thursday, December 11, 2014

Aklan, nasa ilalim pa rin ng State of Calamity

Posted December 10, 2014
Ni Gloria Villas, YES FM Boracay

Nasa ilalim parin ngayon ng State of Calamity ang probinsya ng Aklan.

Ito ang kinumpirma ng Sangguniang Panlalawigan (SP) Aklan kaugnay nang pananalasa ng bagyong Ruby sa probinsya.

Muli ring ipinaliwanag ng mataas na konseho na ang pagkaroon nila ng Special Session  upang ideklara ang Aklan sa State of Calamity, ay para magamit ang recovery at calamity fund at para ma-kontrol na rin ang presyo ng mga bilihin na hindi tumaas.

Samantala, una namang iginiit ng Provincial Disaster Risk Reduction and Management Council (PDRRMC) Aklan ang zero casualty sa epekto ng bagyo sa probinsya.

Ang Republic Act 10121 o Philippine Risk Reduction and Management Act of 2010, ay batas na naglalayong ideklara sa State of Calamity ang isang probinsya para na rin magkaroon ng price freeze sa mga pangunahing bilihin sa mga lugar na dinaanan ng bagyo.

No comments:

Post a Comment