Traffic re-routing, puspusan nang pinaghahandaan para sa APEC Hosting ng Boracay

Posted August 29, 2014

Ni Bert Dalida YES FM Boracay

Puspusan nang pinaghahandaan ang Traffic Re-routing sa Boracay para sa 2015 APEC Hosting.

Ayon kay SB Member Rowen Aguirre, pinag-usapan nila ang paghahanda at proyekto ng mga taga Provincial Engineer’s Office at Department of Public Works and Highways para sa susunod na taon bilang bahagi naman ng paghahanda sa  traffic re-routing.

May mga proposal o panukala na umano kasi sila para sa traffic re-routing sa isla kung kaya’t kailangan din nilang mapag-aralang mabuti ang mga plano naman ng mga nasabing ahensya na maaaring makatulong sa paghahanda sa re-routing.

Samantala, sinabi pa ni Aguirre na hindi sila magpapakampanti, kungdi magpapatuloy sa paghahanda para sa APEC Hosting sa isla.

Dumalo din sa pagpupulong kahapon ang mga taga Boracay Island Water Company, Boracay PNP, Jetty Port Officials at iba pa.