Ni Edzel Mainit, Senior Field Reporter, YES FM Boracay
Nakataktang magpatawag ng Committee Hearing ang Sangguniang Bayan ng Malay sa pangunguna ng Chairman ng Peace and Order at Public Safety na si SB Member Jupiter Gallenero para bigyang hustisya ang ipina-abot na reklamo ni SB Member Jonathan Cabrera, kaugnay sa ingay na dala ng ilang videoke bar sa Boracay.
Ito ay makaraang hilingin ni Cabrera na kung maaari ay ipagbawal na ang operasyon ng videoke bar sa Boracay dahil pangit umano ito para sa industriya ng turismo ng isla.
Dahil dito, nagmungkahi si Gallenero na sa darating ng Biyernes, a-bente singko ng buwang kasalukuyan, ay magpapatawag ito ng pagdinig sa mga komitiba ng konseho na may kaugnayan sa pagpapasa ng batas para sa regulasyon ng mga videoke bar sa Boracay.
Iminungkahi naman si SB Member Rowen Agguire, na isama at imbitahan nalang din sa pagdinig sa darating na Biyernes ang zoning officer ng Malay, pulisya, baranggay officials at engineering department ng LGU para makatulong sa pagbibigay-linaw ukol sa pagsasabatas ng regulasyon patungkol sa mga establisimiyentong ito.
When there is a birthday party, town fiesta, baptismal, or any occasion worth celebrating, it is not complete without videoke. Even in holidays or in Sundays, videoke is the way for recreation paired with some little drinks. That's our way in the Philippines.
ReplyDelete