YES THE BEST 911 BORACAY

Wednesday, February 04, 2015

Mga sira-sirang sidewalk sa Boracay pinaaaksyonan na ng SB Malay

Posted February 4, 2015
Ni Jay-ar M. Arante, YES FM Boracay

Hindi lang ito ang kauna-unahang beses na tinalakay sa Sangguniang Bayan ng Malay ang tungkol sa mga sirang sidewalk at drainage system sa isla ng Boracay.

Sa ginanap na 5th Regular SB Session ng Malay kahapon nagpaabot ng kanyang pagkadismaya si SB member Floribar Bautista tungkol sa nasabing problema.

Aniya, matagal na itong problema ng nasabing bayan na hanggang ngayon ay hindi pa nabibigyan ng kaukulang atensyon

Sinabi nito na mayroon namang sapat na pondo ang Local Government Unit ng Malay para maipaayos ang problema ng mga bukas na drainage system sa isla.

Partikuklar sa tinukoy nito ay ang sidewalk sa Station 1 na kung saan ay may ilang butas na nagdudulot ng piligro sa mga dumaraang tao sa lugar.

Kaugnay nito nangako naman ang mga local officials ng Malay na makipagtulungan sila tungkol dito para sa agarang pagresolba ng naturang problema.

No comments:

Post a Comment