YES THE BEST 911 BORACAY

Tuesday, September 02, 2014

Nationwide immunization ng Measles Rubella at Oral Polio Vaccine umarangkada na

Posted September 2, 2014
Ni Jay-ar M. Arante, YES FM Boracay

Umarangkada na kahapon ang nationwide immunization ng Measles Rubella at Oral Polio Vaccine para sa mga kabataang may edad lima pababa.

Katunayan isa ang bayan ng Malay at Probinsya ng Aklan sa mahigpit na nagpatupad ng pagpapabakuna sa mga kabataan upang maiwasan ang sakit na tigdas at Polio.

Nabatid na target naman ng mga health workers sa probinsya na makapagbakuna ng 66,107 na mga kabataan.

Napag-alaman na ang Department of Health (DoH) ay may supplemental measles immunization bukod sa routine immunizations.

Sa kabilang banda ang Provincial Health Office ng Aklan ay patuloy na hinihikayat ang mga magulang na dalhin ang kanilang mga anak malapit sa kanilang lugar na mayroong naka schedule na pagbabakuna para sa measles at polio.

Samantala, ang proyektong ito ay nagsimula kahapon hanggang sa pagtatapos ng buwan ng Setyembre.

No comments:

Post a Comment