YES THE BEST 911 BORACAY

Thursday, December 26, 2013

Pasko sa Aklan, positibo paring ipinagdiwang sa kabila ng kalamidad

Ni Gloria Villas, Yes FM Boracay

Positibo pa ring ipinagdiwang sa probinsya ng Aklan ang kapaskuhan sa kabila ng naranasang kalamidad nito dulot ng bagyong Yolanda.

Katunayan, masaya pa rin ang bawat residente sa pagbibigayan ng mga regalo.

Sa ginanap na misa sa bayan ng Kalibo kung saan isa rin sa mga lugar na matinding sinalanta ng bagyo.

Sinabi sa sermon ng pari na hindi umano dapat payagan na ang nagdaang kalamidad ang maghari sa puso't isipan bagama't normal lamang sa isang tao na mapaluha at manlumo sa pangyayari lalo na sa mga nawalan ng mahal sa buhay.

Ngunit hindi raw ito dapat mangibabaw sa mga naiwang survivors na dapat magtrabaho at magpatuloy sa buhay.

Samantala, kahit na hindi parin bumabalik sa normal ang suplay ng kuryente sa buong lalawigan ng Aklan ay makikita naman na maligaya pa rin ang mga residente sa pagsalubong ng pasko.

Matatandaang hinagupit ng bagyong Yolanda ang probinsya ng Aklan noong Nobyembre a-otso, taong kasalukuyan.

No comments:

Post a Comment