Wednesday, November 04, 2015

DOT-Boracay pinayuhan ang mga turista na maging vigilante dahil sa “Laglag Bala”

Posted November 4, 2015
Ni Jay-ar M. Arante, YES FM Boracay

Pinayuhan ng Department of Tourism (DOT) Boracay ang mga turista sa isla na maging vigilante sa kanilang mga bagahi.

Ito’y kaugnay sa isyu na “Laglag Bala” sa Ninoy Aquino International Airport (NAIA) kung saan ilang turista at OFW na ang nabiktima ng nasabing kontrobersya.

Ayon kay DOT Boracay Sub-Office Tourism Assistant Kristoffer Leo Velete, pinapayuhan umano nila ang mga turista lalo na ang pumupunta sa kanilang opisina na palaging e-check ang kanilang mga bagahi bago pumasok sa airport.

Sinabi nito na kung meron man umanong mga dalang prohibited na gamit ang mga turista ay dapat e-disclosed muna ito sa mga nakabantay na pulis o sekyu bago pumasok sa airport upang malaman nila kung ano ang maaari nilang gawin ng walang mangyayaring problema.

Samantala, sa ngayon umano ay wala pa namang silang natatanggap na mga cancellation of bookings ng mga turista na pupunta sa isla ng Boracay.

Dagdag ni Velete na baka dumami na ang mga turista ngayong buwan at sa Disyembre dahil sa mga holiday season.

Nabatid na marami ngayon ang nababahala sa naturang isyu sa NAIA dahil sa maaaring maka-apekto ito sa turismo ng bansa.

Ang “Laglag Bala” ay sinasabing kagagawan ng mga tiwaling empleyado ng airport upang perahan ang mga turista.

No comments:

Post a Comment