Posted October 24, 2014
Ni Gloria Villas, YES FM Boracay
Nagpa-record sa himpilan ng Boracay Tourist
Assistance Center (BTAC) ang isang 23 anyos na lalaki matapos umanong pagbantaan
itong patayin ng ka-trabaho.
Sumbong ng biktima sa BTAC, alas dyes nang gabi
nang tawagan umano sya ng kanyang hindi na pinangalanang ka-trabaho at pinagsasalitaan
ng mga hindi maganda saka pinagbantaang patayin.
Ito’y dahil sya di umano ang dahilan kung bakit
natanggal ang suspek sa kanyang trabaho.
Ayon pa sa nagrereklamo, sinabihan din umano sya ng
kanyang land lady na pasulpot-sulpot ang suspek sa kanyang boarding house at
tinatanong kung anong oras ito umaalis at umuuwi.
Dahil sa takot, ay minarapat ng biktima na
ipa-record sa BTAC ang nasabing pangyayari.
No comments:
Post a Comment