Ibat-ibang produkto sa probinsya ibibida sa Aklan Product Exposition 2014 sa Iloilo

Posted October 21, 2014

Ni Jay-ar M. Arante, YES FM Boracay

Itatampok sa taunang Aklan Product Exposition sa Event Center ng SM City Iloilo ngayong Oktobre 23 hanggang 29 ang ibat-ibang produkto na ipinagmamalaki ng probinsya ng Aklan.

Tatlumpu’t apat na mga exhibitors mula sa Aklan ang magpapakita at magpapakilala ng kanilang produkto kagaya ng abaca at piña fiber, health at wellness products, hand-woven handicrafts, fashion wearables, gifts at housewears kasama pa ang processed meat at bakery products.

Tema naman ngayong taon ang “Spreading the Wings of Enterprise Development,”.

Mismong ang top officials ng Aklan ang mangunguna sa cutting of ribbon para sa expo opening sa Pangunguna ni Rep. Teodorico Haresco, Governor Florencio Miraflores, Vice Governor Gabrielle Calizo-Quimpo, DTI-Aklan provincial director Diosdado Cadena, Jr., at Amelia Rentillo ng Hugod Aklanon Producers Association, Inc.

Nabatid na ang weeklong Aklan Product Expo 2014 ay inilunsad ng DTI-Aklan provincial office katuwang ang Hugod Aklanon Producers Association, Inc. at ang provincial government ng Aklan para maipakita ang mga magaganda at ipinagmamalaking produkto ng Aklan sa mga mamimili sa karatig probinsya.