YES THE BEST 911 BORACAY

Saturday, February 21, 2015

Pagpapaunlad ng Manoc-Manoc Port, muling tinalakay sa SP Aklan

Posted February 21, 2015
Ni Gloria Villas, YES FM Boracay

Image result for cagban portMuling tinalakay sa sesyon ng Sangguniang Panlalawigan (SP) Aklan ang pagpapaunlad sa Cagban Port sa Manoc-Manoc Boracay.

Kaugnay nito, sa ginanap na 6th SP Regular Session, nakatakdang ipatawag ng mataas na konseho sa probinsya sina PPD Coordinator Roger Esto at Jetty Port Adminitrator Niven Maquirang para sa isang pagpupulong.

Pero bago pa man ma-iskedyul ang naturang pagpupulong, sinabi sa sesyon ng SP na kailangan munang makumpleto ang mga isusumiteng dokumento kaugnay ng Foreshore Lease Agreement o Special Forest Landuse Agreement kasama ang Department of Environment and Natural Resources (DENR).

Nabatid naman na malaki ang inaasahang pagbabago sa Cagban Port dahil sa magiging organisado na umano ang mga bangkang bumibiyahe gayundin ang mga private boat at ang daungan ng cruise ship na pumupunta sa isla ng Boracay.

Samantala, maging ang mga tricycle at tourist van sa loob ng pantalan ay magiging organisado na rin kabilang na ang paglalagay ng isang building para sa mga pasahero.

No comments:

Post a Comment