Posted December 17, 2014
Ni Gloria Villas, YES FM Boracay
Pinasiguro ngayon ng Boracay Land Transportation
Multi-Purpose Cooperative (BLTMPC) na hindi kukulangin ang mga sasakyan ngayong
holiday season.
Ito ang sinabi ni BLTMPC Board of Director Enrique
Gelito, kung saan inaasahan na rin umano nila ang ganitong mga problema dahil
sa pagdagsa ng mga turista sa isla.
Sa kabila nito, iginiit ni Gelito na sapat ang mga
sasakyan para sa mga bakusyunista at lokal na mga residente sa Boracay.
Samantala, nabatid na nitong nakaraang buwan ng
Mayo lamang ay nagdagdag pa ng mga unit ang BLTMPC para mas mapaganda ang
kanilang operasyon sa isla.
Maliban dito, sinisiguro din umano ng BLTMPC na
nasa tamang kondisyon ang kanilang mga sasakyan para makaiwas sa aberya o
disgrasya.
No comments:
Post a Comment