Barge, hindi parin nakukuha matapos sumadsad sa Boracay

Posted December 19, 2014

Ni Bert Dalida YES FM Boracay

Malaking abala para sa mga cargo area sa Manoc-manoc Boracay ang sumadsad na barge nitong Martes.

Hindi parin kasi ito nakukuha doon kung kaya’t limitado rin ang pagdiskarga ng mga porter ng mga kargamento mula sa iba pang barge o bangka.

Ayon sa isang crew ng barge, alas 7:35 ng gabi nang sumadsad ang barge matapos ang pahirapan umanong pagmaneobra ng kapitan dahil sa malakas na hangin at alon noong gabing iyon.

Maliban dito, nabatid na baguhan pa lamang ang nasabing kapitan.

Ayon naman kay Manoc-manoc Barangay Captain Abram Sualog, nakipag-ugnayan na rin sila sa mga taga Philippine Coastguard at iba pang may-ari ng barge upang makuha ang sumadsad na sasakyan.

Samantala, wala namang napaulat na nasaktan sa nasabing aksidente.