Longest Massage Chain at Most people being massaged, balak isali ng LGU Malay sa Guinness World Record

Posted April 25, 2014

Ni Jay-ar M. Arante, YES FM Boracay

Balak ngayon ng Lokal na pamahalaan ng Malay na isali sa Guinness World Record ang Longest Massage Chain at Most people being massaged.

Ito’y bilang bahagi sa nalalapit na pagdiriwang ng Boracay Day ngayong darating na buwan ng Mayo 16-18, 2014.

Dahil dito ang Municipal Tourism Office ay nakipagtulungan sa Remnant Institute at MAVOVEN na mag-facilitate sa Guinness World Record upang subukang ma break ang record bilang Longest Massage Chain at Most people being massaged na parti ng nasabing momentous event.

Kabilang din sa pagdiriwang na ito ang launching ng Boracay Signature Massage, para gawing active campaign sa pagiging professional ang lahat ng massage therapist sa isla ng Boracay.

Layunin naman sa nasabing aktibidad na mapangalagaan ang lahat ng mga nagsasanay ng massage therapist sa isla upang magkaroon sila ng tamang pakikitungo at pag-uugali sa training na isinagawa ng LGU Malay para masiguro ang pamantayan sa pagsasanay ng pagiging isang professional.