Posted April 25, 2014
Ni Gloria Villas, YES FM Boracay
Nagpapatuloy pa rin sa ngayon ang imbestigasyon ng Bureau
of Fire Protection Unit Ibajay hinggil sa nangyaring sunog kaninang umaga sa Ibajay
Rural Bank, Poblacion Ibajay.
Ayon kay Fire Officer 3 David Ong ng Bureau of Fire
Ibajay, halos tumagal ng isang oras bago
naapula ang apoy, kung saan kinailangan pa ng mga itong humingi ng tulong sa
kalapit na mga BFP Unit.
Bagamat, tumangging magbigay muna ng impormasyon
ang himpilan sa naging sanhi ng sunog at bilang ng mga casualties, kinumpirma
naman nito na pumanaw ang Asst. Manager ng nasabing bangko na si Gabriel
Manican habang dinadala sa ospital.
Samantala, kasalukuyan parin umanong nasa area ngayon ang imbestigador na si
Senior Fire Officer 2 Ricardo Igtanloc para alamin ang naging sanhi ng sunog at
ang ilan pang mga mahahalagang detalye.
No comments:
Post a Comment