YES THE BEST 911 BORACAY

Saturday, December 06, 2014

PRC-Boracay Malay, inihanda na ang buong rescuers para sa bagyong Ruby

Posted December 6, 2014
Ni Jay-ar M. Arante, YES FM Boracay

Prepare NorCal: Bay Area Disaster Preparedness Resources | abc7news ...Inihanda na ng Philippine Red Cross (PRC) Boracay-Malay Chapter ang kanilang buong rescuers para sa bagyong Ruby.

Ayon kay Philippine Red Cross Boracay-Malay Chapter Administrator Marlo Schoenenberger, magtatalaga umano sila ng volunteers sa bawat evacuation center sa tatlong Brgy. sa Boracay sa pakikipagtulungan sa Kabalikat Civicom na siya namang nakatalaga sa paggamit ng radio communication.

Maglalagay din umano sila ng nurse sa mainland Malay at mga volunteers sa Caticlan Jetty Port dahil sa inaasahang pagkakaroon ng stranded na pasahero.

Sinabi pa ni Schoenenberger na nakahanda na ang kanilang mga gagamiting first aid kit at transport health facilities.

Tiniyak naman nito na kung anong paghahanda ang kanilang ginawa noong manalasa ang super typhoon Yolanda sa isla ay ganon din ang kanilang gagawin ngayon sakaling maapektuhan ng lakas ng bagyong Ruby ang Boracay.

Samantala, nakahanda na rin ang mga gagamiting evacuation center sa isla ng Boracay maging ang mga relief goods sa pangunguna ng Department of Social Welfare and Development (DSWD).

No comments:

Post a Comment