Posted December 4, 2014
Ni Gloria Villas, YES FM Boracay
Nagreklamo sa himpilan ng BTAC ang 21 anyos na
buntis matapos umanong itulak habang ito ay umaawat ng away kanina ng madaling
araw sa Manoc-Manoc Boracay.
Sumbong ng biktimang si “Michelle Joy” ng City
Proper Iloilo City, inawat nito ang away ng isang mag-live partner sa lugar
kaninang alas singko ng madaling araw nang bigla na lamang di umano syang
itinulak ng suspek na si “KC” residente ng nasabing lugar.
Dahil sa malakas na pagkakatulak di umano sa kanya
ay natumba ito sa sahig dahilan upang magkaroon sya ng galos sa kanyang
katawan.
Sa ngayon ay sumasama na rin umano ang kanyang
pakiramdam dulot ng kanyang pagkatumba lalo pa’t nagdadalang tao siya.
Samantala, ipinabatid naman ngayon ng BTAC ang
nasabing pangyayari sa Brgy. Justice System ng Manoc-Manoc para ayusin ang
kaso.
No comments:
Post a Comment