Waiter sa Boracay na may warrant of arrest sa kasong physical injury, timbog

Posted February 9, 2015

Ni Gloria Villas, YES FM Boracay

Arestado kahapon ng hapon sa Manoc-Manoc Boracay ang isang waiter sa kasong physical injury o pananakit.

Ayon  sa report ng mga pulis, inaresto ang akusado na si Allain Kit Berondo, 33 anyos sa bisa ng warrant of arrest para sa kasong paglabag sa R.A 9262 o Anti-Violence against women and children act of 2004.

Ang nasabing kautusan ay inisyu sa 10^th Judicial Region Branch 35 ng Ozamiz City, Ozamiz Occidental sa Northern Mindanao Region nitong nakaraang ika-5 ng Pebrero.

Nabatid na maaari namang magpyansa si “Berondo” sa halagang 24 mil pesos para sa pansamantala nitong kalayaan.