YES THE BEST 911 BORACAY

Thursday, February 12, 2015

Nakatakdang pagsuyod ng LGU Malay sa mga illegal commissioners at vendors sa Lunes, inalmahan

Posted February 12, 2015
Ni Bert Dalida, YES FM Boracay

Image result for oppose clip artSa Lunes na ang nakatakdang paglilinis ng LGU Malay sa mga illegal vendors at commissioners sa beach area ng Boracay.

Subali’t nangangamba ngayon ang ilan sa mga vendors sa kung ano naman ang kanilang magiging kahihinatnan sa Lunes.

Ayon kasi sa mga ito, mga Boracaynon at botante din sila na halos 15 taon nang  naghahanap-buhay sa vegetation area.

May mga mayor’s permit naman umano sila subali’t expired na at hindi pinahintulutang makapag-renew.

Halimbawa dito ang mga vendors ng souvenirs at accessories at mga nagtitinda ng barbeque.

Kaugnay nito, nilinaw ni Balabag Barangay Captain Lilibeth SacapaƱo na hindi sila nag-i-issue ng permit para sa mga nagtitinda ng barbeque sa vegetation area.

Nilinaw din ni ‘Kap Lilibeth’ na walang dapat ikabahala kung may puwesto naman, basta’t huwag lang sa ipinagbabawal na lugar.

Samantala, tila iwas-pusoy naman ang ilan sa mga ito sa tanong kung papaano sila nabigyan ng permit dati kung talagang bawal sila sa vegetation area.

Kasabay ng night life sa Boracay dulot ng mga disco bars, makikita ang ilan sa mga commissioners at vendors na naninigarilyo sa beach o di kaya’y may bitbit na alak, walang damit, habang nag-aalok sa mga turista.

No comments:

Post a Comment