YES THE BEST 911 BORACAY

Wednesday, February 11, 2015

SB Aguirre suko na sa construction at expansion project ng Boracay hospital

Posted February 11, 2015
Ni Jay-ar M. Arante, YES FM Boracay

Suko na umano ngayon si Malay SB member at Chairman ng Committee on Laws Rowen Aguirre sa construction at expansion project ng Boracay hospital.

Dahil sa nakikita umano nito na wala ng mangyayari dahil sa mabagal ang tiyansang matapos ito agad at maihabol sa gaganaping Asia Pacific Economic Cooperation (APEC) Summit sa Boracay ngayong Mayo 2015.

Sinabi din nito na nagtanong sa kanila ang National Organizing Committee ng APEC kung ano ang tiyansa ng nasabing hospital ngunit sinabi nito na mas mabuting magkaroon nalang sila ng contingency plan dahil sa nakikita nilang malabo itong matapos agad at maihabol sa APEC.

Samantala, inakala din umano nito noong una na ang Provincial Health Office (PHO) Aklan ang siyang may hawak ng proyektong ito ngunit lumabas sa huli na ang Department of Health Region 6 pala ang namamahala dito.

Wala din umano silang alam kung ano ang naging problma ng DOH Region 6 sa contractor ng nasabing hospital dahil hindi umano sila ang may hawak nito.

Matatandaan na hiniling ni Aguirre sa Sangguniang Bayan ng Malay na magpasa ng resolusyon para sa pag fast tract ng naturang hospital bilang paghahansa sa APEC Summit.

No comments:

Post a Comment