MTO Malay, nanindigan na hindi nila pinapayagang mag-renew ng permit ang mga motoristang expired ang permit sa LTO

Posted February 10, 2015

Ni Gloria Villas, YES FM Boracay

Nanindigan ngayon ang Municipal Transportation Office (MTO) Malay na hindi nila pinapayagang mag-renew ng permit ang mga motoristang expired ang permit sa LTO.

Kasunod ito ng lumabas na kuwentong mistula may pinapalampas ang MTO pagdating sa mga nasabing permit.

Ayon kay Senior Transportation Regulation Officer Cesar Oczon Jr., kung isang buwan bago ang expiration ng permit ay bibigyan nila ito ng konsiderasyon o depende din sa sitwasyon.

Subalit, nilinaw din nito na kapag expired na talaga ang permit sa Land Trasportation Office (LTO) ay hindi na nila ito ikokonsidera.

Samantala, pakiusap naman nito sa mga motorista na huwag nang antayin pa ang deadline bago mag-proseso ng kanilang mga permit.

Anya, mas mabuting agahan na lamang ang pagpapoproseso nito upang makaiwas sa anumang abala.