Division Scilympics Mega Quiz Bee ng DepEd Aklan, dinagsa ng mga kalahok

Posted September 23, 2014

Ni Gloria Villas, YES FM Boracay

Dinagsa ng nasa mahigit 100 na kalahok mula sa mga pampubliko at pribadong paaralan sa probinsya ng Aklan ang 2^nd Division Scilympics Mega Quiz Bee ng DepEd.

Kaugnay nito, isa sa mga nakapag-uwi ng karangalan sa kanilang paaralan ang Boracay National High School (BNHS) na nanalo sa ikatlong pwesto sa Mega Quiz Team category.

Ito’y sina Rizzel Lantaca ng Gade 7, Peter Paul Lusegro ng Grade 8, Lira Jane Familara ng Grade 9 at John Llyod Ardiente ng 4^th year.

Nakuha naman ng Aklan Valley High School ang unang pwesto habang nasa ikalawang pwesto ang Batan Academy.

Ayon kay BNHS Science Coordinator at Teacher II Mary Jona Sioson, ang mga kasali sa nasabing patimpalak at sinala base sa Learning Competencies from 1^st to 2^nd grading period ng Department of Education (DepEd).

Samantala, nagpasalamat naman ito sa magulang mga estudyante at kapwa guro na sumuporta sa kanila upang makasali sa nasabing kompetisyon.

Ang Division Scilympics Mega Quiz Bee ng DepEd Aklan ay ginanap nitong September 20, 2014 sa Kalibo Pilot Elementary School, kung saan ang mga nanalo ay ang syang magiging pambato ng probinsya ng Aklan sa gaganaping Regional Scilympics Mega Quiz Bee ng DepEd.