Nangyaring sunog sa Brgy. Balabag kagabi under-investigation parin

Posted May 29, 2014

Ni Jay-ar M. Arante, YES FM Boracay

Patuloy parin ang ginagawang imbestigasyon ng Boracay Island Fire Protection Unit (BISPU) sa nangyaring sunog kagabi sa Brgy. Balabag isla ng Boracay.

Ayon kay Boracay Fire Officer 1 John Henry Eldeza, aabutin pa ng isang linggo ang kanilang gagawing imbestigasyon para matukoy ang pinagmulan ng sunog.

Nabatid na isang tindahaan ng gulay at prutas ang natupok ng apoy bandang alas-10: 30 kagabi na pagmamay-ari ni Joleto Danieles ng Sitio. Lugatan Manocmanoc.   

    

Aniya, yari umano ito sa light materials kung saan bahagya ding naapektuhan ang katabi nitong establisyemento na yari din sa light materials at tindahan ng ukay-ukay.

Tinatayang umabot din umano sa sampung libong peso ang pinsala ng sunog sa kanilang ginawang imbestigasyon.

Samantala, malaking bagay din aniya ang ginawang pagrespondi ng mga fire trucks mula sa grupo ni Commodore Tirol gayon din ang Boracay Island Water Company (BIWC) para agad masugpo ang apoy.

Muli namang pinaalalahanan ng Boracay Fire Protection Unit ang mga residente sa isla na mag-doble ingat sa sunog lalo na at muli na naman itong nangyayari ng sunod-sunod.