Asean Chief Justices meeting sa Boracay, umarangkada na

Posted March 2, 2015

Ni Jay-ar M. Arante, YES FM Boracay

Umarangkada na kahapon ang tatlong araw na Association of Southeast Asian Nations (Asean) Chief Justices Meeting sa isla ng Boracay.

Magiliw ang mga itong sinalubong ng Lokal na Pamahalaan ng Malay at ng Aklan Provincial Government sa Boracay Airport kahapon ng umaga.

Ito ay kinabibilangan ng mga Chief Justices mula sa bansang Brunei, Cambodia, Thailand, Indonesia, Laos, Burma, Vietnam, Malaysia, Myanmar at Singapore kasama si Philippine Chief Justice Ma. Lourdes Sereno.

Mahigpit naman ang ipinatupad na seguridad ng kapulisan ng Boracay PNP kasama ang Aklan Police Provincial Office (APPO), Philippine Army, Philippine Navy at Philippine Coastguard.

Nabatid na ilan sa mga Chief Justices ay kasama ang kanilang pamilya para makita ang kagandahan ng isla ng Boracay.

Napag-alaman na magmula sa nasabing airport ay sumakay ay mga ito sa pribadong speedboat papuntang Shangrila-Boracay kung saan naman gaganapin ang tatlong araw na meeting na magtatapos bukas.

Samantala, layunin ng nasabing pagpupulong ay para mapalakas ang judicial cooperation at mga chief justices sa buong Asya.