Posted February 23, 2015
Ni Jay-ar M. Arante, YES FM Boracay
Isa na namang cruship ang bibisita sa isla ng Boracay
ngayong darating na Marso 6 na pagmamay-ari ng Seabourn Cruise Line Limited.
Ito ay may passenger capacity na 450 na kinabibilangan
naman ng 335 International crew kung saan may 10 Decks din ito.
Nabatid na dadaan muna ito sa Maynila bago dumiritsong
Boracay bandang ala-10 ng umaga hanggang ala-6 ng hapon.
Ayon sa kumpanyang may hawak ng nasabing barko sa tour
nito sa Pilipinas sakay umano nito ang mga high bracket families at mga
celebrity mula sa ibat-ibang bansa.
Sa kabilang banda sinabi naman ni Special Operation III
Jean Pontero ng Caticlan Jetty Port na kung ano ang kanilang ginawang
preparasyon noong mga nakaraang barkong bumisita sa Boracay ay ganon din ang
kanilang gagawin kung saan magiging katuwang naman nila ang LGU Malay at ilang
concern agencies para dito.
Samantala, magkakaroon naman ng maikling programa sa loob
ng nasabing barko para sa exchange of plaque sa pagitan ng Seaboaurn Cruise
Line Limited at ng Provincial Government ng Aklan, Department of Tourism (DOT)
at LGU Malay.
No comments:
Post a Comment