Posted January 7, 2015
Ni Gloria Villas, YES FM Boracay
Nagpulong kaninang umaga sa Balabag Action Center ang
Municipal Tourism Office (MTour) ng Malay hinggil sa pagbibigay ng karangalan
sa mga tourism front liners.
Sa isinagawang pagpupulong na pinangunahan ni Chief Tourism Operations Officer Felix Delos Santos, nabatid na nasa 16 na mga kalahok
ang pagpipilian upang bigyan ng pagkilala.
Anya, pito dito ay mula sa mga kooperatiba ng Malay
at Boracay habang siyam naman ang galing sa iba’t-ibang mga asosasyon.
Nasa walo naman ang katergorya ng pagbibigay ng
nasabing karangalan, kung saan kabilang umano dito ang pagkilala sa kung sino
ang naging pinaka-aktibong grupo, at yaong palaging nakasuporta sa mga programa
ng lokal na pamahalaan.
Gaganapin naman ang nasabing pagkilala sa ika-9 ng
Enero sa gitna ng selebrasyon ng Boracay Sto. Niño Ati-Atihan Festival 2015.
Maliban sa matatanggap na plaque ay tatanggap din
umano ang mga mapipili ng cash mula sa LGU Malay.
No comments:
Post a Comment