Sa kulungan na magpapasko ang isang dating sekyu, matapos
matimbog ng mga pulis sa isang buy bust operation sa barangay Manoc-manoc
kagabi.
Nakilala sa police report ang suspek na si Zarex Bartolo
ng Barangay Tiza, roxas City, Capiz, at kasalukuyang nagtatrabaho bilang
komisyoner sa Boracay.
Dakung alas 11: 30 kagabi nang isagawa ang buy bust
operation kung saan na-rekober mula sa suspek ang dalawang plastic sachet na
naglalaman ng hinihinalang shabu.
Na-rekober din sa nasabing operasyon ang isang libong
pisong marked money, at cellphone na ginamit umano ng suspek sa kanyang illegal
drugs transaction.
Kasalukuyang nasa kostodiya ng Boracay PNP ang suspek na
nahaharap naman sa kasong paglabag sa Republic Act 9165, dahil sa umano’y
pagtitinda ng ipinagbabawal na droga.
No comments:
Post a Comment