Ni Bert Dalida, YES FM Boracay
Hindi lamang sa long beach problema ang mga asong gala kungdi
maging sa kalsada ng Boracay.
Katunayan, isinugod sa isang pagamutan sa isla ang isang lalaki,
matapos bumangga sa isang truck sa main road ng So.Ambolong Manoc-manoc nitong
Sabado ng gabi.
Ayon sa report ng Boracay PNP, nagmamaneho ng motorsiklo si Tupaz
Aronin papuntang barangay Balabag, nang mapansin nito ang dalawang asong gala
na naghahabulan at papunta sa kanyang direksyon.
Umiwas sana umano ito sa dalawang aso, subali’t sa nakahintong
truck ito bumangga.
Dahil dito, nagtamo ng pinsala sa katawan ang biktima, dulot ng
nasabing insidente.
Matagal na ring nanawagan sa mga kinauukulan ang publiko at maging
ang mga stake holders dito, kaugnay sa mga asong gala sa isla, lalo pa’t isang
tourist destination ang Boracay.
Matatandaan ding patuloy na ikinakampanya ng LGU Malay sa mga
nag-aalaga ng aso na maging responsible pet owners.
No comments:
Post a Comment