Posted
May 6, 2014
Ni Jay-ar M. Arante, YES FM Boracay
Pumalo ng mahigit sa 29 na libo ang naitalang tourist
arrival ng Caticlan Jetty Port sa Boracay nitong apat na araw sa buwan ng Mayo.
Ayon kay Special Operation Officer III Jean Pontero ng
Caticlan Jetty Port, simula noong Mayo-uno hanggang nitong Linggo ay
nakapagtala sila ng 29, 618 tourist arrival na bumisita sa isla ng Boracay.
Habang pumalo naman sa 10, 431 tourist arrival ang
kanilang naitala nitong Labor Day sa loob lamang ng isang araw.
Napag-alaman na karamihan sa mga dumayong turista sa
Boracay ay ang mga local tourist para makisaya sa ibat-ibang event na isinagawa
sa isla.
Samantala, naging problema naman ng mga otoridad at ng
Lokal na Pamahalaan ng Malay nitong mga nakaraang araw ang pagsisikip ng daloy
ng trapiko at ang mga naiwang basura sa dalampasigan na ikinadismaya ng local
officials at ilang turista.
Samantala, mahigpit parin ang ipanapatupad na seguridad ngayon
sa Boracay sa pangunguna ng Philippine National Police, Maritime Police,
Philippine Coastguard at ng mga Law Enforcers.
No comments:
Post a Comment