YES THE BEST 911 BORACAY

Monday, April 14, 2014

Proyekto ng DPWH sa Aklan, kasado na para sa taong 2014-2016

Posted April 14, 2014
Ni Jay-ar M. Arante, YES FM Boracay


Kasado na para sa taong 2014 hanggang 2016 ang mga priority projects ng Department of Public Works and Highways (DPWH) sa Aklan.

Ito ang naging pahayag ni Public Works and Highways Secretary Rogelio Singson sa ang kaniyang pagbisita sa probinsya ng Aklan kasama si DPWH Reg. Dir. Eduardo Tayao.

Aniya, mahigit sa P1.2 billion umano ang kanilang inilabas na pondo para lamang sa mga proyekto ng Aklan sa mga nasabing taon.

Nabatid na layunin umano ng kanilang pagbisita sa probinsya ay para sa mga implementasyon ng mga infrastructure projects.

Sinabi pa nito na prayoridad ng kanilang ahensya ngayon ang pagsasaayos ng national road at mga tulay sa probinsya, kabilang na ang Kalibo circumferential road at expansion ng Kalibo International Airport (KIA).

Samantala, umaasa naman ang Provincial Government ng Aklan na lalo pang makakatulong sa pagtaas ng turismo sa probinsya ang mga proyekto ng DPWH.

No comments:

Post a Comment