Lalaking Chinese national, nanapak ng OJT Student at kapatid sa Boracay matapos bigyan ng wheel chair

Posted April 12, 2014 as of 6:00pm

Ni Gloria Villas, YES FM Boracay

Dahil sa sobrang kalasingan at nakahandusay na lamang sa lobby ng isang resort sa Boracay, dinalhan ng wheel chair ang isang lalaking Chinese national na si Liang Feng.

Subalit ikinagalit ito ng tsino at sinapak ang isang OJT students at kapatid nito.

Ayon sa report ng Boracay PNP, bandang alas singko kanina ng madaling araw ng ipa-record ng dalawang sekyu ng isang resort sa Balabag Boracay ang tsino.

Pahayag ng mga sekyu, tangka sana itong tulungan ng OJT student at kapatid nito at isasakay nalang sa wheel chair subalit nagalit ang tsino at sinapak ang estudyante at kapatid.

Inakyat din umano nito ang gutter doon at pinagsisipa ang ilang mga signage’s na nagresulta ng ilang sugat sa iba’t-ibang bahagi ng kanyang katawan.

Samantala, sa huli ay naalalayan naman ang nasabing turista at nadala sa tinutuluyan nitong kwarto.