KBP Aklan, nagsagawa ng seminar sa mga Broadcaster sa Region 6

Posted November 9, 2015

Ni Inna Carol L. Zambrona, YES FM Boracay

Sumailalim sa Kapisanan ng mga Brodkaster sa Pilipinas (KBP) Seminar ang ilang broadcasters at enthusiast sa probinsya ng Aklan, Capiz at Antique nitong Sabado sa Aklan Training Center Kalibo.

Ito ay pinangunahan nina Atty. Marienne Ibadlit, Chapter President IBP Aklan, Mr. Orly Pangcog, Board of Director KBP Authority  at Ms. Vergie Velasco, Performance Officer of KBP Standards Authority bilang mga panauhing pandangal.

Sa naging mensahe ni Ibadlit ipinunto nito ang tungkol sa Libel case na maaaring kakaharapin ng isang mamahayag sa oras na ito ay maling naibalita.

Ayon naman kay Pangcog, ang pagiging broadcaster ay isa umanong pribilihiyo kung kayat dapat umanong mag-ingat sa pag-sasalita sa radyo lalong lalo na ang pagbibigay kumento at mang-personal dahil sa mga ganito aniyang sitwasyon ay maaari kang mawalan ng trabaho.

Samantala, sinabi naman ni Velasco na dapat ang lahat ng KBP Radio Station sa bansa ay kailangang sumailalim sa accreditation bilang bahagi ng pulisiya ng KBP.

Kaugnay nito sumailalim naman sa exam ang 33 broadcasters at enthusiast na kinabibilangan ng mga Army, AKELCO employees at mga estudyante na nanggaling sa probinsya ng Antique, Capiz at Aklan.