Ni Inna Carol L.
Zambrona, Yes Fm Boracay
Kulong ang isang lalaki matapos itong maaktuhang
nagnanakaw sa beach area sa harap ng isang restaurant sa Station 2 Boracay, Malay,
Aklan kaninang madaling araw.
Sa report ng Boracay PNP, nagsasagawa umano ng inspekyon
ang mga kapulisan partikular sa white beach ng mapansin nila itong isang lalaki
na kinilalang si Rey Paulino,37-anyos ng Sta. Fe Romblon, na may
kahina-hinalang galaw at nagtatago sa puno ng niyog.
Dahil dito, pinabantayan ng mga pulis ang naturang lalaki
sa naka-duty na security guard sa lugar at doon din umano ito naaktuhan na
tinangay niya ang isang cellphone na nakalagay sa maong pants ng naliligo na si
Mathias Sandstedt isang Swedish National na iniwan sa may dalampasigan ngunit
agad namang na-corner ng mga otoridad.
Agad namang dinala ang suspek at ang biktima sa Boracay
PNP, para e-record ang nasabing pagnanakaw kung saan pansamantala namang ikinustudiya
ng mga pulis ang suspek.
No comments:
Post a Comment