Posted June 26, 2014
Ni Gloria Villas, YES FM Boracay
Kinasuhan na ang suspek sa nangyaring pamamaril sa
Kapitan sa Unidos, Nabas, Aklan nitong nagdaang Linggo.
Ito ang kinumpirma ni Nabas PNP Chief Inspector
Arnolito Laguerta.
Anya, hindi rin umano muna sila makakapagbigay ng iba
pang impormasyon dahil bineberipika pa ang ilang mga mahahalagang detalye
tungkol sa nangyaring insidente.
Samantala, magugunitang ikinasawi ng kapatid ng
kapitan na si Ropel Berondo at ikinasugat ng iba pa ang nangyaring pamamaril sa
lugar na sinasabing nag-ugat sa awayan sa lupa.
Kaagad namang naaresto ang suspek matapos kumpirmahin
ni Nabas PNP Chief Inspector Arnolito Laguerta na nahuli ito sa tulong ng New
Washington (Aklan) Police Station dahil sa nakalap na community report.
Ayon sa naunang mga ulat, ang suspek na si Johnson
Culumbres ang itinuturo ni Barangay Captain Dante Berondo na siyang nagpaputok
ng baril sa bilyaran.
Samantala, sinasabi rin na umano’y kasama ng suspek
ang pamangkin nito nang mangyari ang krimen.
No comments:
Post a Comment