United Kingdom, magpapadala ng rehabilitation assistance sa Aklan

Ni Jay M. Arante, YES FM Boracay

Magpapadala umano ng rehabilitation assistance ang United Kingdom-based charity at international nongovernment organization sa probinsya ng Aklan.

Ayon kay dating Sangguniang Panlalawigan member Gerick Templonuevo, may mga representanti ng Islamic na NGO o Non-government organization na handang tumulong sa probinsya para sa mga kababayang apektado super typhoon “Yolanda.”

Sa naging pahayag naman ni dating Vice mayor Jean Velarde ng New Washington, kabilang umano sa mga kinatawan ng grupong pupunta sa Aklan para mapag-usapan ang rehabilitation efforts ay sina Oussama Mezoui, Ziad Ouyoun at Rayda Eddeng.

Ayon pa kay Velarde may plano ang mga ito na bumili ng lupa para pagtayuan ng mga bahay  gayon din ang pagbibigay ng oportunidad sa pamamagitan ng livelihood at livestock-raising.

Matatandaang isa ang probinsya ng Aklan sa Visayas na matinding hinagupit ng super typhoon “Yolanda” noong nakaraang taon.

Napag-alaman na matapos ang bagyo, ay tinawagan ng pansin ng Islamic group ang kanilang mga kasosyo sa ibat-ibang panig ng mundo para makatulong sa mga Filipino na makabalik sa normal ang kanilang buhay.