Posted July 9, 2014
Ni Gloria Villas, YES FM Boracay
Bagamat may hindi magandang epekto ang “rainy
season” sa mga agricultural products sa probinsya ng Aklan.
Sinabi ni Department of Agriculture (DA) Aklan Head,
William Castillo na may maganda rin itong naidudulot sa mga magsasaka sa
pagkakaroon ng magandang produkto ng palay.
Gayunpaman, dahil sa hindi magandang panahon, naging
problema lang umano dito ang pahirapan sa transportasyon ng mga produkto lalo
na yaong para sa isla ng Boracay na kinakailangan pang itawid galing sa iba
pang mga bayan sa mainland.
Samantala, ipinasiguro naman ni Castillo na kalidad
ang mga produktong itina-transport sa Boracay na ginagamit naman ng mga
iba’t-ibang business establishments, katulad ng prutasat gulay.
Anya, may nakatalaga ang Agriculture’s Office na
mga inspector na syang sumusuri at nagka-quarantine ng mga nasabing produkto
upang masiguro ang kaligtasan ng publiko lalo na ng mga turistang bumibisita sa
isla.
No comments:
Post a Comment