Unified rates para sa mga sea sports activities sa Boracay, iginiit

Ni Bert Dalida, Yes FM Boracay

Dapat pare-pareho ang presyo.

Ito ang iginiit kahapon ng ilang sea sports operators sa isla, kaugnay sa kanilang isinusulong na unified rates.

Sa kanilang pag-uusap kahapon kasama si MTO o Malay Tourism Officer Felix delos Santos.

Sinabi ng mga taga Water Sports Association of Boracay na maiiwasan ang pananamantala  ng mga illegal na komisyoner sa mga turista kung sila mismong mga operators ang magkasundo sa halaga ng kanilang sea sports activities.

Matagal narin umano kasi silang naapektuhan dahil sa umano’y over pricing ng mga nasabing komisyoner.

Samantala, kinumpirma din ng mga ito na mahigit-kumulang tatlong linggo na nilang ipinapatupad ang kanilang unified rates.

Maliban sa unified rates ng mga sea sports activities, magbibigay din umano ang mga ito ng 10 porsiyentong unified compensation para sa mga coordinator.