YES THE BEST 911 BORACAY

Tuesday, May 28, 2013

Pagkasunog ng linya ng kuryente sa poste ng AKELCO sa Balabag kagabi, nagdulot ng mahabang trapiko

Ni Malbert Dalida, YES FM Boracay

Nagdulot ng mahabang trapiko ang nangyaring sunog sa poste ng AKELCO kagabi sa Zone 5 Barangay Balabag.

Ayon kay Boracay Bureau of Fire Inspector Joseph Cadag, nag-apoy ang nasabing linya ng kuryente dakung alas-6:55 kagabi na ikinaalarma ng mga residente doon.

Dahil dito, nawalan din ng supply ng kuryente ang ilang establisemyento sa nasabing lugar.

Kaagad rumesponde ang mga bombero ng Boracay Action Group para tiyaking hindi lumaki ang sunog, habang pinagtulungang ayusin ng mga taga AKELCO ang nagkaproblema nilang poste.

Samantala, bakas naman sa pagmumukha ng mga motorista doon ang pasasalamat nang bumalik sa normal ang daloy ng trapiko.

No comments:

Post a Comment