YES THE BEST 911 BORACAY

Friday, September 13, 2019

Dry Run sa direktang pag kolekta ng basura sa mga sstablisyemento, sisimulan sa susunod na buwan

Posted September 10, 2019
Inna Carol L. Zambrona, YES THE BEST BORACAY NEWS DEPARTMENT

Image may contain: one or more people and indoorSisimulan sa susunod na buwan ang dry run sa direktang pagkolekta ng basura sa mga establisyemento sa isla ng Boracay.

Ito ang napagkasunduan sa ginanap na public hearing ng Sangguniang Bayan ng Malay na  ni SB member Dante Pagsuguiron na siyang nagbukas ng usapin sa plenaryo kasama sina Acting Mayor Frolibar Bautista, Acting Vice Mayor NiƱo Cawaling, LGU Officials Stakeholders, Hotel Owners, ECOS Sanitary Landfill and Waste Management Corporation, at iba pang concern agencies.

Kung matatandaan, sa naging privilege speech ni Pagsuguiron, nais nitong direkta ng sisingilin ang mga establisyemento upang makatulong at mabawasan ang utang na kinakaharap ng Bayan ng Malay sa ECOS.

Sa panig ng ECOS, itong hakbang ay malaking tulong sa LGU Malay dahil wala na silang babayaran sa oras na mapagkasunduan ang bagong sistema ng koleksyon.

Isa rin umano itong paraan para matutukan ng mga establisyemento na ma-segregate ng maayos ang kanilang mga basurang itinatapon.

Sa inisyal na pag-uusap, sampung piso kada kilo naman ang singilan ng mga basurang makokolekta.

Samantala, ikukonsulta rin muna ng LGU-Malay sa COA kung pwede ang ipapatupad na sistema ng bayaran o si LGU na mismo ang sisingil para ipambayad sa ECOS.

Aprubado din sa mga stakeholders ang scheme at gagawin ang dry run sa buwan ng Oktubre.

Kung maaalala, kapos ang P 60M na budget ng LGU Malay para sa solid waste management kumpara sa P 93M na bayarin nito sa ECOS sa unang anim na buwan ng taon.


No comments:

Post a Comment