GRO na tulak ng shabu, arestado sa buy-bust sa Boracay

Posted September 22, 2017

Ni Inna Carol L. Zambrona, YES THE BEST Boracay

Nahulihan ng dalawang sachet ng pinag-hihinalaang shabu ang isang babae sa isinagawang buy bust operation ng mga otoridad sa isla ng Boracay.

Nahaharap ngayon sa kasong paglabag sa RA 9165 o Comprehensive Dangerous Drugs Act of 2002 ang naarestong suspek na si Maribeth Bandiez alyas “Barbie” 21-anyos, residente ng Caloocan City at kasalukuyang naninirahan sa Sitio Bantud, Manoc-Manoc, Boracay.

Base sa report ng Boracay Tourist Assistance Center (BTAC), nagbenta umano ng droga ng suspek ang nagpanggap na pulis sa naturang lugar kapalit ng 1,500 pesos buy-bust money na naging dahilan ng kanyang pagkahuli.

Kasalukuyang nakakulong ang babae sa BTAC detention cell.