Sangguniang Panlalawigan Aklan, nais magkaroon ng accreditation certificate sa ISO

Posted December 29, 2016

Ni Inna Carol L. Zambrona, YES FM Boracay

Nais umano ngayon ng Sangguniang Panlalawigan (SP) Aklan na magkaroon ng akreditasyon sa International Organization for Standardization (ISO).

Ito ang sinabi ni Bise Gobernador Reynaldo Quimpo, kung saan nakikipag-koordinasyon na umano sila sa Anglo Japanese American, na siyang kinatawan ng ISO, para sa kaukulang requirements.

Nabatid na ang kanyang asawa na dating Bise-Gobernador na si Gabrielle Calizo-Quimpo, ay inaayos na ang tungkol sa pagsunod sa nasabing regulasyon.

Sa kabilang dako naman, bilang bahagi sa pagbibigay ng mas magandang serbisyo, ang nakatakdang magtayo ng bagong gusali ang Provincial Board.

Kung kaya’y hinikayat ni Quimpo, ang lahat ng media sa Aklan na makibahagi sa lahat ng proyekto tungo sa malinis na pamumuno ng Gobyerno.