Umanoy labing dalawang transgender sa Boracay, kalaboso sa buy-bust operation

Posted November 7, 2016

Ni Inna Carol L. Zambrona, YES FM Boracay

Hindi na nakapalag pa sa mga pulis ang labing dalawa umanong transgender sa Boracay matapos itong mahuli sa isinagawa operasyon kagabi.

Nahuli ang mga suspek sa pamamagitan ng Malay Municipal Police Station (MPS), Boracay PNP, Aklan Public Provincial Public Safety Company, Philippine Drug Enforcement Agency (PDEA) at 605th Maritime Police.

Isinagawa ng mga ito ang operasyon sa isang hotel sa Barangay, Balagay kung saan naaresto ng una si Mark Anthony Galicha alias “Manikin”, 23-anyos ng Pinamok-an, New Washington, Aklan sa pagbebenta ng droga kapalit ng P 2,000 buy-bust money ng poseur buyer.

Samantala sa pag-imbestiga ng mga otoridad nahuli ang labing isa pang suspek na sina Rafael Ibanez alias “Daiana” 30-anyos, Jestoni Tonic alias “Scarlet” 26-anyos, John Aldrin Francisco alias “Cassey” 22-anyos, Aldwin Kirk Abello alias “Maxine” 30-anyos, John Barry Camua alias “Opyong”, 22-anyos, Celestino Fernandez alias “ Marie” 30-anyos, Kim Delicano alias “Katrina” 25-anyos, Michael Dave Salcedo alias “Ashley” 24-anyos, Ronel Sallano alias “ Cathy” 20-anyos, Alvin Calitizen alias “Borta”23-anyos at Harlie Verano alis “ Narlie” 27-anyos.

Nabatid, na mahigit dalawang po na mga drug paraphernalias ang narekober sa kanilang tinutuluyang apartment kung saan naaktuhan pa ang mga ito na nagpa-pot session sa lugar na nagsisilbing umano nilang drug den.

Kaugnay nito, nahaharap naman ang mga suspek sa kasong paglabag sa Section 5, 6, 7, 11, 12 at Article II of RA 9165.