Posted December 14, 2015
Ni Inna Carol L. Zambrona, YES FM Boracay
Arestado ang isang lalaki matapos nitong saksakin at
bastusin ang dalawang babae kaninang alas-4 ng umaga sa Station 2, Brgy.
Balabag, Boracay, Malay, Aklan.
Sa report ng Boracay PNP, nasa loob ng isang bar ang
biktimang si Hope Ponce 23-anyos kasama ang kanyang kaibigan ng bastusin ito sa
pamamagitan ng pagsasabing magkano ang kanyang halaga ni certain “Gie”.
Dahil sa nangyari nagalit umano si Ponce at agad na
isinumbong sa naka-duty na Security Guard sa bar kung saan mabilis namang pinalabas
ang suspek.
Kasabay nito nagalit naman ang suspek at dito ay binalingan
niya ang isa pang babae na kasama ni Ponce kung saan sinakal niya ito at
itinulak sa puno ng niyog kung saan sinaksak din niya ito sa kamay gamit ang
isang matalim na bagay.
Samantala agad namang nahuli ng pinag-samang pwersa ng
Boracay PNP ang suspek sa mismong tintuluyan nitong boarding house.
No comments:
Post a Comment