YES THE BEST 911 BORACAY

Thursday, December 10, 2015

Diaz ng PCG-Caticlan muling ipapatawag sa SB Session ng Malay

Posted December 10, 2015
Ni Jay-ar M. Arante, YES FM Boracay

Dahil sa bigong makadalo sa 44th Regular Session ng Sangguniang Bayan ng Malay nitong Martes si Philippine Coastguard Caticlan Lt. Edison Diaz, muli naman itong ipapatawag sa SB.

Nitong Martes ay tinalakay sa Sangguniang Bayan ang mga problema kaugnay sa manifesto at life jacket kung saan isa si Diaz sa mga inimbitahan ngunit hindi ito nakadalo at nagpadala nalang ng kanyang representante.

Dahil dito hindi nakumbinsi ang SB Malay na hindi mismo si Diaz ang dumalo dahil isa umano itong mahalagang usapin na dapat ay siya ang personal na makakasagot dahil sa kanya nagmula ang implementasyong ito.

Kaugnay nito nagdesisyon muli ang Sangguniang Bayan ng Malay na ipatawag si Diaz sa susunod na session kasama ang iba pang mga kinauukulan para pormal nitong masagot ang mga katanungan ng mga Konsehales at para marinig din ang kanyang panig tungkol sa mainit na usapin sa manifesto.

Samantala, nabatid na isa rin sa ipinatawag noong nakaraang session si Jetty Port Administrator Niven Maquirang ngunit bigo rin itong makadalo at nagpadala rin ng kanyang representante.

No comments:

Post a Comment