Posted November 23, 2015
Ni Jay-ar M. Arante, YES FM Boracay
Wala umanong nakikitang dahilan ang biktimang construction
worker para bugbugin ito ng tricycle driver sa Boracay kaninang madaling araw.
Sumbong ni Victor Tejero, 41-anyos ng Surigao Del Sur at
temporaryong nakatira sa Sitio Hagdan Brgy. Yapak sa Boracay PNP, naglalakad
umano siya kasama ang tatlong kalalakihan mula sa isang bar sa Balabag ng tambangan
siya at bugbugin ng hindi nakilalang tricycle driver.
Ayon sa biktima pinagsusuntok umano siya ng suspek sa
mukha pati na sa kanyang ibat-ibang parti ng katawan na nagresulta ng sakit at
sugat sa kanya.
Matapos ang pananakit sa kanya mabilis din umanong umalis
sa lugar ang suspek kasama pa ang grupo ng mga kalalakihan.
Samantala, agad namang nagsagawa ng operasyon ang mga
pulis para sa ikadarakip ng nakatakas na driver na nakasuot umano ng kulay dilaw
na uniforme ng tricycle driver sa Boracay.
No comments:
Post a Comment