YES THE BEST 911 BORACAY

Friday, October 23, 2015

Comelec Malay patuloy na dinadagsa ng mga mag-paparehistro

Posted October 23, 2015
Ni Jay-ar M. Arante, YES FM Boracay


Image result for comelecUmaga palang ay dinadagsa na ng mga botanteng magpapa-biometrics ang opisina ng Commission on Elections (COMELEC) Malay para sa 2016 elections.

Ayon kay Malay COMELEC Officer II Elma Cahilig, inaasahan na umano nila ang ganitong klaseng eksena kung saan dinadagsa ang kanilang opisina tuwing malapit na ang deadline ng registration.

Sinabi nito na inoobliga ang lahat ng rehistradong botante na magpa-biometrics sa ilalim ng Republic Act 10367.

Karamihan naman umano sa mga botante ay galing sa isla ng Boracay kung saan grupo-grupo ding mga Muslim mula sa isla ang sumailalim sa biometrics registration.

Nabatid, na walong araw nalang ang natitira para sa mga botante na nais magpaparehistro para sa darating na eleksyon kung saan kung sino ang hindi magpapa-biometrics ay tatanggalin ng Comelec sa listahan.

No comments:

Post a Comment