YES THE BEST 911 BORACAY

Wednesday, October 07, 2015

Korean national na nalunod kahapon sa Boracay patuloy paring ginagamot sa ospital

Posted October 7, 2015
Ni Jay-ar M. Arante, YES FM Boracay

Image result for drowningNasa pangangalaga parin ngayon ng isang pagamutan sa bayan ng Kalibo ang isang Korean National na muntikan ng malunod kahapon sa isla ng Boracay.

Ayon kay Acting Station Commander Lt. Michael Andang ng Philippine Coastguard Caticlan Sub-Office, nangyari umano ang insidente kahapon ng hapon sa station 3 Boracay.

Sinabi nito na kakatapos lamang mag-island hopping ng biktima na kinilalang si Lee Joo Yeon 32-anyos sa pamamagitan ng snorkeling activities ng mapansin ng isang crew ng bangka na nakadapa na ito sa tubig at hindi siya iniimik habang tinatawag.              
                                                                                           
Dahil dito mabilis na humingi ng tulong ang naturang crew sa naka-duty na Coastguard personnel sa lugar at agad na nilapatan ng paunang lunas bago dinala sa pinakamalapit na pagamutan.

Matapos umano nito ay mas minabuti nalang na dalhin agad sa bayan ng Kalibo ang biktima para sa agarang pagpapagamot matapos ang muntikang pagkalunod.

No comments:

Post a Comment