YES THE BEST 911 BORACAY

Wednesday, July 15, 2015

Boracay National High School patuloy na umaapela sa kanilang binabahang paaralan

Posted July 15, 2015
Ni Jay-ar M. Arante, YES FM Boracay

Image result for balabag National high schoolPatuloy ngayong umaapela ng tulong si Boracay National High School (BNHS) School Principal Victor Supetran mula sa mga kinauukulan tungkol sa kanilang binabahang paaralan.

Ayon kay Supetran masyado na silang apektado sa palagiang pagbaha sa kanilang paaralan kung saan kahit kunting ulan lang umano ay bumabaha na at pumapasok pa sa mga silid-aralan.

Aniya, pinapasipsip naman ng Brgy. Balabag ang tubig baha gamit ang isang equipment sa tuwing umaga ngunit sana umano ay mahanapan na ito ng ibang solusyon upang hindi na sila bahain pa.

Sinabi din nito na nagkaroon sila ng pag-uusap ng Boracay Island Water Company (BIWC) para sa ilang suggestion na maaaring makatulong sa binabahang paaralan ngunit hanggang ngayon umano ay hindi pa ito naisasakatuparan.

Muli namang iginiit ni Supetran na matagal ng may naka-plano sa pamamagitan ng LGU Malay para sa elevation ng mga silid-aralan na pinapasok ng tubig baha ngunit inaantay parin umano nila ngayon ang naturang plano.

No comments:

Post a Comment